الشاعر فالح الركابي  

رفرفي ياراية العز بسمـــــاء ابلادي
وعـــــانقي غر السحاب وقبلي هماله

فوق هام السحب بالهجري وبالميلادي
في سماك المجد دايم يستجد أهلالـــه

تحت حكم اللي على دحر العدا معتادي
تحت ظل الله ابلادي ثم تحت أظلالــــه

سيفنا البتار لاخان العهود العــــــادي
رجعه صاغر رغم انفه ورغم امـــــثاله

ذاك سلمان السياده سيد الاســـــيادي
باالحزم والعزم سيفه يردع المخــــتاله

وياسلام الله على راس الدهاء البــادي
الاميراللي مع العلياء رجح معدالـــــه

ياولي العهد يامحمد خزام الغــــــادي
قبضته تردع خطأ المخطين والمحـــتاله

ومن مفاهيم المعـــالي والفخر يزدادي
عام من جهده رسم رؤياه واجهد حــــاله

لين ركز للمعالي فالبلاد اعـــــــمادي
وبث في شبه الجزيره للرقي ارســــاله

جث كل الفسد وافنى زمـــرة الأضدادي
وانتعش صدر البلاد بجدوله وعمــــــاله

زري بشته بالدول يحكي عن الاجــدادي
مثل سيف موحّد الدوله ونفس اخصـــاله

والمشاريع الكبيره شي مــــــاهو عادي
ترسم أصداء الرقي وللرقي أطـــــــــلاله

يستنير بجوهر افكاره بنا الاحــــــــفادي
ويقتبس من هيبة معزي حماية جــــــاله

من نيوم اسطورة التاريخ كفه جــــــادي
وابتدأ باالخطوه اللي تلجم العيـــــــــاله

فوق سطح البحر الاحمر وجهة الــمرتادي
ركّز اعمدة البناء ورخى عليه اريــــــــاله

وحط باالقديه النهضه وفز الـــــــوادي
والسهل حيّا النهوض ورددته أجبـــــــاله

في جهود الفارس اللي للعــــــلا روادي
كل كيفٍ للمعالي شاربٍ فنجـــــــــــاله

رغم كيد الحاقدين ونظرة الحســــــــادي
البلد وأبن البلد علق عليه أمــــــــــــاله

والسلام اختام والقران شرع بــــــــلادي
وزيدو محمد صلاه وال بيته والــــــــــه