البارحه ليلي طويل وزوده حر الفــــــــــــراق
وانا من اللي يسهرون اذا ان خله فارقـــــــــه
من الغروب اسهر الى مايبلج الليل الـــــزراق
و اسج لا بان الصباح للي رقادي سارقــــــــه
وفي سبيل مقابله مايتعب الرجل الــــمساق
ولا تشكي كفوفي الم لاصرت بابه طارقــــــه
قلبي يقاوم خيبته يدق رغم الاحــــــــــــتراق
ويشع من عيني ضياء رغم الدموع الحــارقه
بارزته بكل اعتزاز وقررت عنه الانشقـــــــــاق
وفي ساحة العشاق طحت ولا قويت مـزارقه
قبله وانا نفسي عيوف ولا يفك الــهــــا رواق
تلقى مضاريب السهوم بصدر خصمي زارقه
وبعده وانا ماطابلي جلسه ولا حلو المـــذاق
والروح من طعنات هجره في دماها غــــارقه
كسر جناحي غيبته واصبحت محدود النطاق
اصبحت عاشق للوهم مالي حبيب اعــاشقه
اصبر على مر الجفا من بعد لذات العــــــناق
من بعد لذات القاء صرت الخيال اعــــــانقه
كانت حياتي كلها متعه واحب الانطـــــــــلاق
واليوم كل احداثها عنـــدي ولاهي فـــــــارقه
اصبحت عايش منطوي مالي مع العالم وفاق
كل انظمت عيش البشر ماهي معي مـتوافقه
الشاعر ماضي دهيليس الشراري
(
(
