إهداء للشاب/احمد بن صيتان بن غلاب ابن صايل الجهيمي الذيابي
حفظه الله
بدينا باسم من يحص النفوس الخالق المعبود
نساله رحمته وارضاه وانه يصلح النيه
.
ونسال الله يحفظ ملوكنا حكامنا ال سعود
وعسي ربي يديم الامن ويعز السعوديه
.
بعدها عد مايخيل خيال ودن فيه ارعود
وعدد مانبتت الاوراق عقب امطار وسميه
.
سلام الله سلام ٍ مازجه عنبر ودهن العود
علي روس الرجال اهل المكارم والشهاميه
.
يعم اهل الشجاعه والمروه والوفاء والجود
ويخص الحفل واهل الحفل والربع اللفاويه
.
يقولون الرجال اهل الحكم حبل الوفاء ممدود
وابن صيتان شهم وجامع ٍ دين وعروبيه
.
جمعهم طيب السيره حشيم ٍ يبذل المجهود
ابن صيتان واخوانه علي الجملاء شفاويه
.
سنافيا ً لضيفانه بماتملك ايديه يجود
ويحط الهم شبب ومع الشبب فنجال بريه
.
ابن صيتان زيزوم العيال اللي عريب اجدود
ورث طيبه من الجدان ماجاء الطيب عاريه
.
وابن صيتان من قوم ٍ كرام وطيبهم في زود
حفيد الاكرمين وكاسب ٍ للبيض مثنيه
.
بني عمه نوصفهم بوصف الساطي المجرود
رجال ٍ ماتجازي راعي الاحسان بالسيه
.
ذوي صايل متعبة الاصايل محتمين القود
من ازحول ٍ تكمل خصة البندق بجنبيه
.
هل النخوه مدلة الغريب ومزبن المضهود
عزيزين النفوس اللي علي الجملاء رهاويه
.
روس ٍ من روس ذايب طيبهم ثابت عليه اشهود
حواتم في عتيبه من كرام ٍ نارهم حيه
.
يااحمد صيتان ياذخر الكرام انته حفيد اوسود
مزايا الطيب حاويها هذي كلمه حقيقيه
.
نبارك لك يابن صيتان ياقايد حماة الذود
لاشك الليله انت ازعيم شجعان الفروسيه
.
كسبت الجوهره والجوهره هي غاية المقصود
عسي حليفك التوفيق ياشوق السنافيه
.
راوي الحجاز د /سعد بن عبدالعزيز بن نايف الذيابي العتيبي – مكة المكرمة
(
(
