الرياض
متابعة : أحمد الشراري – إخبارية بوابتكم :
في لقاء استثنائي اصبح محط أنظار الجميع وحديث المجتمع ليلة البارحة عبر تويتر كانت بدايته من الإعلامي المميز بتال القوس استضاف من خلاله معالي المستشار تركي آل الشيخ
بو ناصر صك الشباك. وجاوب على هالاسئلة. حوار تويتري قصير للسهرانين.. لانك من زمان ما ظهرت. موافق؟
عشانك
لا عدمت محبتك.
ابو ناصر لو أنت أمام خيارين بس.. تختار حمدالله او قوميز لفريقك الميريا.. ؟ لا تقول طموح الميريا أكبر. السؤال افتراضي..
جوميز … لنه اختياري من الاساس … وحمدالله ايضاً كبير … بس بختار جوميز
زين.. جربت المنافسات في إسبانيا.. وش الفرق بين VAR في دورينا وفي الدوري الاسباني؟
والله بتال أخطاء التحكيم في كل مكان السنه الي فاتت عانيت في اسبانيا من التحكيم بوجود الفار
يوم صحيت من البنج.. من طرى عليك أول واحد.. لا تقول نواف او بو حمود لانهم جنبك؟
الصدق … ابوحمود … لن عندي مكالمات … وابوحمود شخص انا وهو لم نتفارق من ٢٧ سنه
وش ناوي هالسنة في موسم الرياض.. يقال في مفاجأة عالمية؟
فيه كل الي بيعجبكم ومن شهور انا والزملاء وكل لجنة الفعاليات في اجتماعات واهم شي ننول رضاء الله ثم مولاي وسيدي والجمهور
صدق هالسنة طلبوا من نادي مساعدة مالية وقلت ما ابي ادخل في اي منافسة محلية.. ؟
كذا نادي لكن انا قررت لا اتدخل غي اي شي في رياضه السعوديه واستاذنت الامير عبدالعزيز في ذالك انا من جمهور والكوره في سعوديه زعلت جمهور مني وانا مابي ازعل احد وخسرت اصدقاء بسبب التعصب الكروي فشفت الموضوع البعد اسلم
طيب.. مرات تطلع في تويتر وتقول انا تعبان وتدعي وادعوا لي.. فجأة بعد يوم تحط قصايد وتغرد بنشاط أقوى من أول.. ابو ناصر يا حبيبنا ما عرفنا لك؟
بتال تبي الصدق ؟
اكيد
انا من ٢٠١٦ اكتشفت كذا مشكله صحيه فيني وأهملت وف٢٠١٨ سويت ٥ عمليات وحده منه كان فيها خطاء طبي لازلت اعاني منه حتى الان … انا الان من ١٠ ايام اجريت اخر عمليه وكانت صعبه وتعبتني والان ممنوع من الاكل لمدة ٦ اسابيع هذا اولا
ايضاً عندي صعوبة في النوم وبعد فحص النوم اكتشوف اني في الحقيقة ماانام الا دقائق في اليوم نوم عميق وباقي الوقت افكر حتى وانا نايم وهاذي مشكله ٢
٣- دخلت بسبب الحاله ذي بفتره نوع من الاكتائاب مابعد العمليات وهذا طبيعي وماحب اتواصل مع احد فكنت اشغل وقتي بالفن وبادي اكتب مسلسل تلفزيوني وفيلم واكمل دراسة التدريب في كرة القدم
٤- انا انسان عفوي وهاذي مشكله بعضهم يفسرها بجاحه ولكن الي على قلبي على لساني وامي كل يوم الله يحفظها تكلمني وتقول لاتطلع صورك ومفسره الي فيني عين😍
٥- دائماً يجيني شعور مع الي حصل لي في الفتره الاخيره بن وقتي في دنيا مو طويل ف احاول استمتع فيه قد مقدر واعمل كل الي نفسي فيه وهذا حقي كانسان … وكمان جالس اعمل ل اخرتي بالي يقدرني عليه ربي
٦- فلا تلموني ولا تقولو وزير كيف يسوي كذا انا قبل ماكون وزير انا انسان امر بمراحل صعود وهبوط اتمنى تقدرون هذا ..، وايضا بعدي عن اهلي انا ماشفت اهلي من ٥ شهور وهذا صعب على الانسان
الف الف سلامة.. معاليك..
سمو ولي العهد حفظه الله وسدده وجه في تصريحه الاخير الوزراء بأن يخرجوا للناس اعلاميا ويردون على اسئلتهم.. متى بتظهر؟
جاهز في اي وقت وسيدي ولي العهد يأمر على الروح .
كفو دايما.. في المنشن على حسابك فيه محبة كبيرة من الناس.. وانتقادات واسعة.. وشتايم.. تسوي بلوك للشتامين؟ ومتى آخر بلوك وليش؟
الي ينتقدون بسبب الكوره وفترتي في رياضه وايضاً بعض الجهات الخارجية المأجوره … وانا ما أبلك الا الي يتدخل في حياتي الشخصيه … حياتي شخصيه ملكي وحدي وانا حر فيها … الاعراض والمحارم خط احمر واعتقد اي شخص زي
أبيار آل الشيخ.. متى الحلقة الاخيرة؟. فعلا تقرب لك أو حساب لا تعرف صاحبه؟ البعض يقول انت تدير الحساب؟
والله هي أولا ليست منا من آل الشيخ تميم … أسم على اسم … وفعلاً حقيقية ولها سنه تطاردني في كل مكان … انا الي مستغربه وش لاقيه فيني عشان كل هالهوس ؟! انا اهلي معرف كيف مستحمليني😂
خلاص بعد العالمية.. توقف حبك عن الهلال؟
حبي ل الهلال لن يتوقف … الي بيصدق يصدق الي مو مصدق هو حر أنا هلالي في سعوديه واهلي مصري في مصر والميريا في اسبانيا ومناشستر يونايتد في انجلترا وروما في ايطاليا
زين.. طلعت عاشق مغرم.. طيب النصراويين يقولون أن عالمية الهلال جت بفلوسك.. وووو؟
جت بفلوس الدوله ودعم سيدي محمد بن سلمان وشغل رجال الهلال … لوكنت ساهمت في شيء فهذا واجبي … والفوز في فترة الامير عبدالعزيز وهو وجه الخير … ولا انسى ايضاً شخص اقدره اسمه الامير نواف بن سعد لا ننسى دوره 🙏🏻❤️
ابو ناصر.. عندك فلوس. ووزير وشاعر.. وشخصية جدلية.. ما شاء الله تبارك الله.. الله يسعدك وش باقي يسعدك؟
بقولك الصدق يابتال … ولا ابي احد يفهمني غلط … اورياء … انا كنت شخص بسيط واحلامي بسيطه … يمكن بري بجدي وجدتي الي كنت عايش معهم لين ماماتو الله يرحمهم ودعواتهم لي فتحت لي افاق … وجيت عند شخصيه استثنائيه اسمها سيدي ومولاي محمد بن سلمان الي تعلمت منه الكثير والي فتح فكري
٢- ل اشياء كثير وعلمني وزرع فيني حب العمل والطموح والكرم وحب مساعدة الناس ونصرت المظلوم هاذي كلها فيني في الاساس لكن هو عززها … بتال انا صرت معالي وعمري ٣٢ سنه ولم أكن من الاسره الحاكمه أو احد دعمني غير ربي وثقة سيدي محمد بن سلمان … ولد الملك العظيم مولاي الملك سلمان
٣- فا احاول اجتهد قد مقدر أني ارضي ربي ومن ثم أرضيهم وأكون قد ثقتهم فيني … وأكثر شي يسعدني ولاحد يفهمني غلط … لما اساعد انسان … لا اذكر ان مر يوم في أخر ١٠ سنين في عمري ماساعدت فيه احد … هذا اكثر شي يسعدني…
٤- والله يسعدني بشكل ماتتصوره لني كنت في يوم محتاج مساعده وجاب الله سيدي الامير محمد بن سلمان … حتى الي أسأوا لي وقفت معاهم … وكل عايلتي من آل الشيخ او المشرف او المشعان او العريني كل اقاربي كل معارفي … يتبع
٥- علمني سيدي محمد بن سلمان وقال لي نصاً تركي لا يوصل لك احد في حاجه وترده وهذا الي اسويه من أكثر من ١٠ سنين … ويدي مخرومه وفلوسي مهيب لي
٦- بتال انا سويت شي واتمنى الناس تستوعبه وتعمل زي في مثل حالتي … انا قبل عمليتي الاخيره … قسمت ورثي واكثر من٩٠٪ من فلوسي ومابقى عندي لي الاشي بسيط … وقصدي اامن اهلي بعدي ولايحتاجون احد او تصير مشاكل بينهم … والي جاب الفلوس يجيب غيرها والله يرزق … يعني اهلي يقدرون …
٧- يقدرون الان ينموني في الشارع مافي شي بسكي😂🥊
الله يوفقك وكل رجالات الدولة لخدمة القيادة والوطن .. تلقى كل هالدعم ما شاء الله.. وفيه من يقول أنك أيضا تمت محاربتك؟ صحيح؟
كثير … لكن أقابل الاساءه بالاحسان واكثرهم صارو اصدقاء … واذا ماتاحربت معنها انت ماتشتغل ورخمه وزي قلتك😉
نبي نروح للفن وش رايك.. تحب رابح والا راشد أكثر والا مجيد والا أصيل؟. ومن أحلى صوت يطربك
كلهم احبهم وكل وأحد لهم طعم وكاريزما … لكن أنا في وقت الحالي أكثر صوت يلمسني فنياً من رجال محمد عبده ومن النساء آمال ماهر 👍
ليش آمال ماهر بالذات؟؟؟. وليش محمد عبده؟
كل الاصوات احبها … احب روح وطيبة احلام واحب رجولة رابح واحب وفاء ماجد المهندس واحب اخوة راشد واحب جلسة اصيل … واحب حرفنه عبدالمجيد…لكن الي يخليني في الغناء اقول اه في الرجال محمد عبده وفي نساء امال ماهر … اصوات من كوكب ثاني🙏🏻
بو ناصر .. وش بيسوي حمد الله في الديربي الجاي؟
أن شالله مايسوي شي🥊
بو ناصر يا حبيبنا.. طولت عليك وانت صدرك يتسع لخربشاتي. وفضلك كبير ودايم على اخوك لا عدمتك في كل شي.. شكرا لك ولكن.. نبي نختم..
بقدري ومكانتي عندك المنشن فيه طلبات كثيرة لناس.. اختر خمس طلبات انسانية وحل مشاكلهم وفق استطاعتك.. وفق الله
حاضر بالي اقدر عليه🙏🏻🇸🇦❤️
الله يحفظك.. الاماكن كلها مشتاقة لك.. صحتك الان طيبة؟ غادرت المستشفى؟ سمح لك الاطباء بالسفر؟ متى الرجعة للديرة؟
شكرا على هاللقاء التويتري الخفيف اللطيف.. تصبح بخير وفي خير أنت ومن يقرأ
انا الان في الاوتيل وانتظر اذنهم لي بركوب الطائره امس تعرضت ل انتكاسه خفيفه وعدت على خير … ابي ارجع ل رياض دواي الرياض واهلها ❤️
تصبحون على خير وسامحوني اذا زعلت احد اوقصرت او نسيت احد🙏🏻❤️
(
(
