واهـسي مـن زود مـا ضـيّق عـليّة
كنه اللي صب في صدري حديده
ساكـت ولا لي بصــمتي مــقدريّة
دام دوّت داخـلي هـيضة جـديدة
القــريحـة فضــفضه وعـــلاج ليّه
كل حــين تذود عــني في قـصيدة
تشــرح اللي صــار من واقع حميّة
دافــعي مشــاعر(ن) ماهي بليدة
يا أولي الألباب مضــمون القضيّة
هاكــم التوضيح والمفهوم سـيدة
مــاخــلقنا الله مــداركــنا ســـويّة
هــادي النجــدين والتوفـيق بيدة
(التزمّــت والجــهل والعــنجهيّة)
بينهـم مــدلول وعــلاقة وطـيدة
ماتصــيب اللي نجـــاحاته مــزيّة
كــل مـاتنويه يـــزداد بــرصــيدة
حــاسده يعــطيه دفـع ومـعنوية
ما ألتفـت له كون هقواته بعيدة
الوعــر مــاطاه وعـــزومه قـــويّة
مطــلبه يبغــاه و العــليا تــريدة
الفـــريد ؛ اللي طــموحاته أبـيّة
يستحق اهديه من شعري قصيدة
(
(
